ԻԲՈՒՊՐՈՖԵՆ 600 մգ
Ցուցումներ
ԻԲՈՒՐՈԴԵՄ-ը կիրառվում է որպես ցավազրկող և հակաբորբոքային միջոց՝ ռևմատոիդ հոդաբորբերի (այդ թվում յուվենիլ ռևմատոիդ հոդաբորբի կամ Սթիլլի հիվանդության), անկիլոզացնող սպոնդիլիտի, օսթեոարթրոզի և այլ ոչ ռևմատոիդ (սերոնեգատիվ) արթրոպաթիաների բուժման ժամանակ:
ԻԲՈՒՐՈԴԵՄ-ը ցուցված է հարհոդային հյուսվածքների ոչ ռևմատիկ բորբոքային պրոցեսների՝ հոդապարկի բորբոքման, բուրսիտների, տենդինիտների, տենդովագինիտների բուժման ժամանակ և գոտկային ցավերի դեպքում։
ԻԲՈՒՐՈԴԵՄ-ը կարելի է կիարառել նաև ցավոտ դաշտանի, հետվիրահատական ցավերի, գլխացավերի (այդ թվում նաև միգրենի), ատամնացավերի, փափուկ հյուսվածքների ցավային համախտանիշների, օրինակ՝ կապանների պրկման ժամանակ։
ԻԲՈՒՐՈԴԵՄ-ը կիրառվում է նաև որպես ջերմիջեցնող։
Ընդունման եղանակ ու դեղաչափ
Նախատեսված է ներքին ընդունման համար։ Խորհուրդ է տրվում ընդունել ուտելիս կամ ուտելուց հետո՝ ջրով։ Հաբը պետք է կուլ տալ ամբողջական, ըմպանի գրգռումից խուսափելու համար հաբը պետք չի ծամել, մանրացնել, փշրել։ Դեղորայքի ընդունումից հետո հաջորդ ընդունումը պետք է լինի ոչ շուտ քան 4 ժամ և ոչ ավելի քան 6 դեղահաբ։
Որպես ջերմիջեցնող` 1 դեղահաբ, ոչ ավելի քան 3 անգամ՝ օրական։
Խորհուրդ չի տրվում կիրառել 7 կգ-ից քիչ քաշ ունեցող երեխաների բուժման ժամանակ։
Դեռահասներին 12-18 տարեկան․ օրական՝ 1-2 անգամ
Մեծահասակներին․ օրական՝ 1200-1800 մգ, օրական՝ 2-3 անգամ։ Բարդ և ծանր դեպքերում թույլատրելի է չափաբաժինն ավելացնել, սակային օրական բոլոր ընդունումները միասին չպետք է գերազանցի 2400 մգ-ը։
Հակացուցումներ
ԻԲՈՒՐՈԴԵՄ-ը հակացուցված է այն անձնանց, ովքեր պրեպարատի ակտիվ և օժանդակող բաղադրիչների հանդեպ ունեն ընդգծված զգայունություն։ Պետք է չընդունեն այն հիվանդները, որոնց մոտ նախկինում նկատվել են գերզգայունություն:
ԻԲՈՒՐՈԴԵՄ-ը հակացուցված է երիկամային, լյարդային և սրտային անբավարարություն ուենցողներին։
ԻԲՈՒՐՈԴԵՄ -ը հակացուցված է հղիության վերջին եռամսյակում։
Պաշտոնական ներկայացուցիչ՝ Դեմի Ֆարմ ՍՊԸ, Նաիրի Զարյան 22, Երևան, ՀՀ
Արտադրող՝ Farmalabor – Produtos Farmacêuticos, Պորտուգալիա